Funiculi - funiculà (Giuseppe Peppino Turco)

Aieressera, oi' ne',
me ne sagliette
tu saie addo'?
tu saie addo'?

Addo' 'stu core
'ngrato cchiu' dispietto
farme nun po'!
farme nun po'!

Addo' lo fuoco coce,
ma si fuie
te lassa sta!
te lassa sta!

E nun te corre appriesso,
nun te struie,
'ncielo a guarda'!
'ncielo a guarda'!

Jamme, jamme
‘ncoppa, jamme jà,
Jamme, jamme
‘ncoppa, jamme jà,

funiculì, funiculà,
funiculì, funiculà,
‘ncoppa, jamme jà,
funiculì, funiculà!

Ne'... jammo da la terra
a la montagna!
no passo nc'e'!
no passo nc'e'!

Se vede Francia,
Proceta e la Spagna
Io veco a tte!
Io veco a tte!

Tirato co la fune,
ditto 'nfatto,
'ncielo se va
'ncielo se va

Se va comm' 'a lu viento
a l'intrasatto,
gue', saglie sa'!
gue', saglie sa'!

Jamme, jamme
‘ncoppa, jamme jà,
Jamme, jamme
‘ncoppa, jamme jà,

funiculì, funiculà,
funiculì, funiculà,
‘ncoppa, jamme jà,
funiculì, funiculà!

Se n' 'e' sagliuta, oi' ne',
se n' 'e' sagliuta
la capa già!
la capa già!

E' gghiuta, po' e' turnata,
po' e' venuta
sta sempe cca'!
sta sempe cca'!

La capa vota, vota,
attuorno, attuorno,
attuorno a tte!
attuorno a tte!

Sto core canta sempe
nu taluorno
Sposammo, oi' ne'!
Sposammo, oi' ne'!

Jamme, jamme
‘ncoppa, jamme jà,
Jamme, jamme
‘ncoppa, jamme jà,

funiculì, funiculà,
funiculì, funiculà,
‘ncoppa, jamme jà,
funiculì, funiculà!